“Ardanın bu yaşda bu dərəcədə özünə güvənməsi yaxşı haldı. Çatışmazlıqları, təbii ki, var. Məsələn, bəzən topu özündə çox saxlayıb driblinqlə rəqibi keçməyə çalışır. Onun fiziki cəhətdən zəif olduğunu söyləyirlər. Amma əksinə, mən onun fiziki cəhətdən güclü olduğunu düşünürəm. Ayaqları uzundu. Məncə, onun problemi sürət və cəldlikdi. Bu qədər driblinqə üstünlük verən futbolçu üçün sürət vacib şərtdi. Çünki daha yüksək səviyyəli liqalarda ona çətin olacaq. Orda topa mümkün qədər az toxunub komandaya mümkün qədər çox fayda verən oyunçulara üstünlük verirlər. Əslində Ardada belə özəllik var. Hələ gəncdi. İndidən ondan çox şey tələb edirik. 2-3 il də gözləməliyik. Məsələn, Əmrə Mordakı sürət və cəldlik Ardada olsa, Messinin səviyyəsinə yaxın bir futbolçuya çevrilər. Aleks De Souzanı xatırlayın. Topa az toxunmaqla inanılmaz driblinqlər edirdi. Halbuki Aleksin sürəti yox idi. Müqayisə etsək, Arda ondan daha sürətlidi. Amma Aleks sanki ətrafını aydınlaşdırırdı. Arda da bu cür etməlidi. Topa az toxunaraq ətrafını qaranlığa yox, aydınlığa bürüməlidi. Bizim son illərdə erkən ulduz damğası vurduğumuz çox oyunçu olub. Ömər Faruk Bəyaz, Burak İncə, Enes Destanı xatırlamaq kifayətdi. Hamısı öz yaş qruplarında önə çıxan oyunçular idi. Amma zaman göstərdi ki, böyük səviyyə üçün yetərli deyillər. Bir mövsümə 3 qol, 4 məhsuldar ötüməlik performans sərgiləməklə dərhal ulduz olmurlar. Ulduz Aleks kimi olmalıdı. Bir mövsümdə 30 qol, 20 məhsuldar ötürmə ilə fərqlənməli, hər oyunda nəticəyə təsir etməyi bacarmalıdı. Oyunçularımızın potensialı var. Amma bundan düzgün yararlanmaq lazımdı”.