“Qalatasaray”ın əldə etdiyi bu uğuru dəyərsizləşdirməyə çalışmaq çox yanlış hərəkətdi. Amma başqa çıxış yolları qalmayıb. Çempion ola bilmədikləri üçün mövzunu dəyişməyə çalışırlar. Həm “Beşiktaş”ın, həm də “Fənərbaxça”nın öz fanatları qarşısında başı aşağıdı. Çünki onlar da çox iddialıydılar. Amma məşhur bir atalar sözü var: pişiyin əli ətə çatmayanda deyir ki, iylənib. Bu sözü mən icad eləməmişəm. Uzun illərdi yaşananlara baxsaq, bu atalar sözü tam yerinə düşür. Zəlzələdən hamımız əziyyət çəkdik. Çempionatda fasilə yarandı. Bu fasilə hamımız üçün eyni səviyyədə oldu. 2 klub çəkildi. Mövsümün gedişində bəzi həftələrdə hər klub məcburi istirahət etməli oldu. Bunu biz də etdik, “Beşiktaş”la “Fənərbaxça” da etdi. Yəni şərtlər hamı üçün eyni idi. Amma mən onların bu mövzuda etirtaz etmələrini normal qarşılayıram. Başqa nə deməliydilər ki? Təbii ki, son matçdan öncə “Fənərbaxça”nın “Qalatasaray”ı alqışlamasını istərdim. Bunu oyundan öncə də dilə gətirmişdim. Amma özlərinə sığışdırmadılar. Əslində bizdən heç kim çempionluq gözləmirdi. Çünki “Qalatasaray” əvvəlki mövsümü 13-cü pillədə tamamlamışdı. Amma mən bu vəzifəyə çempionluğa inananaraq gəldim. Həm də ilk başqanlıq dönəmimdən sonra müəyyən təcrübə toplamışdım, nə etmək lazım olduğunu bilirdim. Futbolla bağlı məsələləri Ərdən Timura tapşırdım. Təbii ki, bəzi şeyləri özüm də edirdim. Aramızdakı işi çox düzgün bölüşdürdük. İkardi məsələsinə gəlincə, ona yenidən “Qalatasaray” forması geydirmək üçün bütün imkanlarımızı səfərbər etmişik. Sponsorların da yardımına ehtiyac var. Öz imkanlarımızın çatmadığı yerdə sponsorların dəstəyi ilə işimizi həll edəcəyik. İkardi ayrılarkən onunla sağollaşmadım. Türkiyədə çox sevildi. Hətta “Beşiktaş”lılarla “Fənərbaxça”lıların da simpatiyasını qazandı. Çox yaxşı insan və yaxşı futbolçudu. Komandada hər kəs onu sevir. Ona görə də qalması komanda üçün çox önəmlidi. Hərçənd Səudiyyə Ərəbistanı klubları ilə maddi cəhətdən yarışa bilməyəcəyimizi etiraf etməliyəm. Onlar bu cür futbolçuları aparmaq üçün milyonlar xərcləməkdən çəkinmirlər. İkardinin öz seçimi də bu məsələdə böyük rol oynayacaq. Amma dediyim kimi, biz üzərimizə düşəni artıqlamasıyla edəcəyik. Yeni mövsüm üçün hədəfimiz nədi? Bizim yaradıcımız Əli Sami Yen bəyin söylədiyi kimi: xarici klubları məğlub etmək kimi bir missiyamız var. Türkiyədə çempion olduğumuzdan indi də növbə Avropaya çatıb. Çempionlar Liqasında təsnifat mərhələlərində oynayacağıq. Uğurlu çıxış edib qrup mərhələsinə düşmək istəyirik. Bunun üçün isə qüvvətli bir transfer dönəmi keçirməliyik. Komandada bəzi çatışmazlıqlar var. Onları yoluna qoyacağıq. Uğur qazanmaqla yanaşı, gözəl oyunumuzdan da vaz keçməyəcəyik. Son mövsümdə oyunumzla böyük alqış qazandıq. Zirvəyə yüksəlmək önəmlidisə, orda qalmaq daha da önəmlidi. Yeni mövsümdə işimiz çətin olacaq. Amma öhdəsindən gələcək gücdəyik”.