"İrlandiya və Fransa təmsilçiləri güclü rəqiblər hesab olunurlar" - Ümid Rüstəmov
"Bütün komanda yoldaşlarımdan medallar gözləyirəm".
"Football-plus.az" xəbər verir ki, bunu jurnalistlərə açıqlamasında boksçumuz Ümid Rüstəmov Polşada keçiriləcək 3-cü Avropa Oyunları ilə bağlı danışarkən deyib.
57 kq çəki dərəcəsində çıxış edən idmançı turnirə yaxşı səviyyədə hazırlaşdıqlarını bildirib:
"Hər gün iki dəfə məşq etmişik. Artıq iyulun 23-də boks yarışları start götürəcək. Hələlik rəqiblərimiz bəlli deyil. Gözləntilərimiz ən yüksək səviyyədədi. Mənim çıxış etdiyim çəkidə İrlandiya və Fransa təmsilçiləri güclü rəqiblər hesab olunurlar. Onlara da qalib gələcəyimə inanıram".
Qeyd edək ki, 3-cü Avropa Oyunları iyulun 2-dək davam edəcək.
