Ayxan Abbasov: “Bu gün üçün iki forvardla danışıqları yekunlaşdırmaq üzrəyik”
Başa çatan “futbol ili”ndə xoş təsir bağışlayan “Turan Tovuz”un yeni mövsümdə daha iddialı olacağı gözlənilir. Tovuzluların artıq bu yöndə əməli addımlar atacağı da deyilir. Yuxarıda qeyd etdiyimiz kimi, Ayxan Abbasovun istəyinə uyğun klub rəhbərliyi artıq bir neçə futbolçu ilə ortaq məxrəcə gəlib. Tovuzlular artıq yeni legioner hücumcu ilə razılığa gəlib.
"Football-plus.az" olaraq məsələni dəqiqləşdirmək dəqiqləşdirmək üçün “Turan Tovuz”un baş məşqçisi ilə əlaqə saxladıq. Ayxan bəy hazırda ölkə xaricində istirahətdə olsa da, bizi maraqlandıran məsələyə aydınlıq gətirdi:
“Bu gün üçün iki forvardla danışıqları yekunlaşdırmaq üzrəyik. Onlardan biri ötən mövsümü Bolqarıstan çempionatında keçirib. Onunla demək olar, razılığa gəlmişik. İkinci forvardla danışıqlar başa çatmadığından konkret nəsə deyə bilmərəm. Qarşıdakı günlərdə bütün suallara aydınlıq gələcək”.
Abbasov ötən mövsümü Bolqarıstan çempionatında keçirən hücumçu deyərkən Martin Petkovu nəzərdə tutur. 20 yaşlı bolqarıstanlı forvard sonuncu dəfə ölkəsinin “Septemvri” klubunda çıxış edib, ona qədər isə “Levski” və “Slaviya” formasını geyib. Gənc futbolçu ötən mövsüm Bolqarıstan çempionatında 26 oyunda 4 qol vurub. Ökəsinin U-21 yığmasında da 11 oyuna çıxıb. Artıq transfermarkt.com saytı da onun “Turan Tovuz”la müqavilə bağladığını qeyd edib.
RƏŞAD
Digər xəbərlər
