9 ildən sonra premyer-liqaya dönən “Turan Tovuz”un mövsümlərarası fasilədə keçiriləcək təlim-məşq toplanışının vaxtı bəlli olub.

Etibarlı mənbədən “Football-plus.az” saytına daxil olan məlumata görə, baş məşqçi Ayxan Abbasovun istəyinə uyğun “boz qurdlar” iyunun 18-də Bakıda bir araya gələcək. Komandanın belə tez yığışmasının səbəbi düşərgəyə baxışa dəvət olunan futbolçuları bir daha sınaqdan keçirməkdi.

Bu arada qərb təmsilçisinin son mövsümü “Şamaxı”da keçirən Amil Yunanovla razılığa gəldiyi bildirilir. Forvard yeni mövsümdə doğma rayonun təmsilçisinin formasını geyinəcək. Xatırladaq ki, onun kimi “Şamaxı”dan ayrılan Kamal Bayramovun və “Sumqayıt”la müqaviləsi başa çatan Tərlan Əhmədlinin də “Turan Tovuz”un təklifini qəbul etdiyi bəllidi. Hər iki qolkiper 2022/23 mövsümün sonuna kimi Ayxan Abbasovun rəhbərliyi altında çıxış edəcək.

RƏŞAD