“Sumqayıt” rəhbərliyi kapitana iş təklif etdi - ÖZƏL
2013-cü ildən “Sumqayıt”ın şərəfini qoruyan Vurğun Hüseynovu artıq “kimyaçılar”a heç nə bağlamır. 10 il öncə “gənclik şəhəri” təmsilçisi ilə anlaşan müdafiəçiyə yeni müqavilə təklif olunmayıb.
“Football-plus.az”ın əldə etdiyi məlumata görə, 35 yaşlı müdafiəçi artıq karyerasını başa vurmaq niyyətindədi. Söylənilənlərə aydınlıq gətirmək üçün Vurğun Hüseynovla əlaqə saxladıq:
“Əzələlərimdəki ağrılar artıq tam gücümlə oynamağa imkan vermir. Böyük ehtimalla butslarımı mismardan asmağın vaxtı çatıb. “Sumqayıt” rəhbərliyi klub üçün etdiklərimi nəzərə alıb mənə məşqçilik təklif edib ki, buna görə onlara “çox sağ ol” deyirəm. Hələ ki əsas komandada və ya akademiyada çalışacağım dəqiqləşməyib. Yəqin ki, qarşıdakı günlərdə bu suala aydınlıq gələcək”.
RƏŞAD
Digər xəbərlər
