Rövşən Hüseynli qərar verməyə tələsmir
"Araz-Naxçıvan"ın vitse-prezidenti Mahmud Sadıqov Qazaxıstan "Atırau"sunda çıxış edən Rövşən Hüseynlini qaytarmaq istədiklərini söyləmişdi.
Görəsən, təcrübəli futzalçı bu təklif haqda nə düşünür? Onu yenidən "Araz-Naxçıvan"ın qapısını qoruyarkən görə biləcəyik?
Rövşən "Football-plus.az"ın suallarına belə cavab verdi:
"Bəli, Mahmud müəllimlə bu barədə söhbətimiz olub. "Atırau" rəhbərliyi də növbəti mövsüm üçün qalmağımı istəyir. Digər tərəfdən, Rusiya və Fransa klublarından təkliflərin gəldiyi də doğrudu. Ad açıqlamaq futzal prinsiplərinə uyğun olmaz. Hazırda istirahətdəyəm. Düşünmək üçün zamanım var. Müəyyən məsələləri fikirləşəndən sonra qərar verəcəm. Hələ tələsmirəm".
Rövşən açıqlamaq istəməsə də, etibarlı mənbədən əldə etdiyimiz bilgiyə görə, Rusiya “Torpedo”su onu yenidən heyətində görmək istəyir. Bununla bağlı təklif artıq özünə çatdırılıb. Məhz seçim imkanının geniş olması qapıçını düşünməyə vadar edir.
KƏNAN BAHADIR
Digər xəbərlər
