“Yuventus” rəhbərliyi komandanın taleyi ilə barışıb.

"Football-plus.az" xəbər verir ki, Turin klubu İtaliya Futbol Federasiyasının (İFF) son sanksiyasından apellyasiya şikayəti verməyəcək.

Yerli mənbələr klubun İFF ilə razılaşma əldə etdiyini xəbər verib. Başqa sözlə, yanvarın 18-dən müəyyənləşən İdarə Heyəti sabiq rəhbərliyin maliyyə qaydalarını pozduğunu rəsmən etiraf edib. Bu səbəbdən komandanın hesabından növbəti dəfə xal çıxılmayacaq. Amma kluba 718 min avro cərimə kəsilib.

Xatırladaq ki, bir neçə gün əvvəl “Yuventus” A seriyasında qazandığı xalların 10-nu itirib, nəticədə 2-ci yerdən 7-ci pilləyə düşüb.