“Yuventus”un yeni rəhbərinin adı açıqlanıb.

Football-plus.az xəbər verir ki, İtaliya klubunun rəsmi saytının yaydığı məlumata görə, Canluka Ferrero prezident təyin olunub.

Yanvarın 18-də klubun idarə heyətinin yeni tərkibi müəyyənləşib. İdarə heyətində Fioranna Vittoria Neqri, Mauritsio Skanavino (baş direktor), Dieqo Pistone və Laura Kapyello da yer alıb. Onlar Ferrero ilə birlikdə klubun səhmlərinin 63,8 faizinə malik olan “Exor” şirkətinin namizədləridi.

Xatırladaq ki, “Yuventus”da maliyyə pozuntusu faktları aşkarlandığından ötən ilin noyabrında klub rəhbərliyi tam heyətlə istefa vermişdi. Sabiq prezident Andrea Anyelli, vitse-prezident Pavel Nedved və baş direktor Mauritsio Arrivabenenin səlahiyət müddəti məhz yanvarın 18-də sona çatıb.