Şərq konfransının final seriyası basketbolsevərlərə inanılmaz dramatik anlar yaşatdı.

"Football-plusa“Mayami” – “Boston” seriyasının 6-cı oyununda maraqlı hadisə baş verdi. “Boston”un müdafiəçisi Derrik Uayt komandasına qələbə qazandıran atışı sona 0,3 saniyə qalmış həyata keçirdi. Hakimlər bu ikixallıq atışı qeydə almaq üçün videotəkrara da ehtiyac duydu.

Beləliklə, “Boston” seriyada hesabı bərabərləşdirdi – 3:3. “Seltiks” MBA-nın pley-off tarixində 0:3-ü 3:3-ə çevirə bilən 4-cü komanda oldu. Əvvəllər bunu “Nyu-York” (1951), “Denver” (1994) və “Portlend” (2003) də bacarmışdı. Amma adı çəkilən komandaların heç biri həlledici – 7-ci oyunda qalib gəlməyib. Bu mənada “Boston”un əlinə tarixi şans düşmüşdü. “Seltiks” möcüzənin astanasından qayıtdı. “Mayami” bu komandanın meydanında keçirilən 7-ci oyunda inamlı qələbə qazanmaqla MBA finalına adladı. Həlledici oyunda “Hit”in rəqibi “Denver”di. Seriyanın 7-ci oyununun taleyini həll edənlərdən biri də Cimmi Batler oldu. “Mayami”nin 28 xal toplayan müdafiəçisi Şərq konfransının final seriyasının MVP-si sayıldı. O, bu oyunlarda orta hesabla 24,7 xal toplayıb, 7,6 ribaund edib, 6,7 ötürmə verib.

yarımfinal
28 may
Mayami – Boston 103:104 (29:34, 24:23, 19:22, 31:25)
Seriyada hesab – 3:3.
Boston – Mayami 84:103 (15:22, 26:30, 25:24, 18:27
Seriyada hesab – 3:4.