Son iki gündə həm Şərq, həm də Qərb konfransında final seriyasının növbəti oyunları keçirildi.

"Football-plus.az" xəbər verir ki, şərqdə “Mayami” “Boston”u ilk oyunda məğlub etdi. “Hit”in 35 xal toplayan forvardı Cimmi Batler oyunun ən məhsuldar basketbolçusu oldu.

O, əfsanəvi Maykl Cordanın pley-off oyunları üçün müəyyənləşdirdiyi rekordu təkrarladı. Batler karyerasında 2-ci dəfə pley-offun səfər oyununda ən azı 30 xal, 5 ribaund, 5 məhsuldar ötürmə və 5 topələkeçirmə göstəricisi ilə yadda qaldı ki, indiyə qədər bunu yalnız Cordan bacarmışdı.
Qərb konfransında final seriyasının 2-ci oyunu da “Denver”in qələbəsi ilə bitdi. “Gölməçəsevərlər”in bundan sonra mübarizənin axarını dəyişməsi çətin görünür. “Denver”in oyun qurucusu Camal Mürrey 37 xal və 10 ribaund ilə komandasının qələbəsinə böyük töhfə verdi.

yarımfinal
18 may
Boston – Mayami 116:123 (30:28, 36:29, 25:46, 25:20)
Seriyada hesab – 0:1.

19 may
Denver – Leykers 108:103 (27:27, 21:26, 28:26, 32:24)
Seriyada hesab – 2:0.