MBA-da yarımfinal seriyalarında artıq ilk üç oyun arxada qalıb.

“Football-plus.az” xəbər verir ki, maraqlıdı ki, hər iki seriyada hesab 3:0-dı. Dünən “Boston”u növbəti dəfə məğlub edən “Mayami”nin finala adlayacağına şübhə etməmək olar.

“Leykers” – “Denver” seriyasına isə mütəxəssislər həm də Lebron Ceymslə Nikola Yokiçin dueli kimi baxırlar. İlk üç oyunun nəticəsinə əsaslansaq, Lebron və “gölməçəsevərlər” bu rəqabətdə açıq-aşkar geri qalır. “Leykers”in 108:119 hesablı məğlubiyyəti ilə bitən 3-cü oyunda Lebron 23 xal topladı, 12 məhsuldar ötürmə verdi və bununla da pley-off oyunlarında 138-ci dəfə dabl-dabl etdi. 38 yaşlı ulduz bu göstəricidə MBA tarixində 5-ci yerə çıxdı. Pley-offda dabl-dabl sayına görə MBA rekordu Tim Dankana məxsusdu (164). 2-ci yerdə Mecik Conson (157), 3-cü yerdə Uilt Çemberlen (143), 4-cü yerdə Şakil O'Nil (142) qərarlaşıb.

“Denver”in mərkəz oyunçusu Nikola Yokiç isə 61 il əvvəl müəyyənləşən MBA rekordunu təkrarladı. Serb ulduz pley-off nəzərə alınmaqla bir mövsümdə 2000 xal toplayan, 1000 ribaund edən və 800 məhsuldar ötürmə verən 2-ci basketbolçudu. Bunu bacaran ilk basketbolçu isə Oskar Robertson olub (1961/62 mövsümündə).

yarımfinal
20 may
Boston – Mayami 105:111 (25:24, 25:30, 33:21, 22:36)
Seriyada hesab – 0:2.
21 may
Leykers – Denver 108:119 (20:32, 35:26, 27:26, 26:35)
Seriyada hesab – 0:3.
22 may
Mayami – Boston 128:102 (30:22, 31:24, 32:17, 35:39)
Seriyada hesab – 3:0.