MBA-da 1/4 final seriyaları başa çatdı və artıq konfrans finalında mübarizə aparacaq komandalar bəllidi.

“Football-plus.az” xəbər verir ki, “Mayami” 6-cı oyunda “Nyu-York”a qalib gəlməklə seriyanı bitirdi. “Hit” MBA tarixinə 8-ci “səpələnmə” nömrəsi ilə konfrans finalına çıxmağa bacaran 2-ci komanda oldu, “Nyu-York”un 1999-cu ildəki nəticəsini təkrarladı. “Niks” həmin mövsümdə finala vəsiqə qazanmışdı.

“Mayami”nin Şərq konfransının finalındakı rəqibi isə “Boston” olacaq. “Boston”un “Filadelfiya 76” üzərindəki qələbəsinə (112:88) 51 xalla töhfə verən Ceyson Teytum “Qolden Steyt”in müdafiəçisi Stefen Karrinin yaxın tarixdə - mayın 1-də müəyyənləşdirdiyi rekordu yenilədi. Karri həmin gün keçirilən “Sakramento” ilə oyunda (120:100) 50 xal toplamaqla MBA tarixinə seriyanın 7-ci oyununda bunu bacaran ilk basketbolçu kimi düşmüşdü.

Həftəsonu “Leykers” – “Qolden Steyt” seriyasında da mübarizə bitdi. “Gölməçəsevərlər” seriyanın 6-cı oyununda 122:101 hesablı qələbə qazandı. Lebron Ceyms bu oyunda 30 xalla yadda qaldı. “Leykers” Qərb konfransının finalında “Denver”lə qarşılaşacaq.

1/4 final
13 may
Mayami – Nyu-York 96:92 (24:31, 27:19, 23:21, 22:21)
Seriyada hesab – 4:2.
Leykers – Qolden Steyt 122:101 (31:26, 25:20, 35:31, 31:24)
Seriyada hesab – 4:2.
15 may
Boston – Filadelfiya 76 112:88 (23:29, 32:23, 33:10, 24:26)
Seriyada hesab – 4:3.