İspaniyanın “Onze TV” telekanalı iddia edir ki, La Liqanın prezidenti Xavyer Tebas Messinin “Barselona”ya dönüşünə “hə” deyib. Kataloniyalılar Liqanın yaxınlarda təqdim etdikləri texniki-iqtisadi planını bəyənəcəyinə əmindi.

Messinin dönüşü yolunda ən vacib şərt klubun futbolçu satışından 100 milyon avro əldə etməsidi. O da bildirilir ki, “Barsa” Rafinyanı “Nyukasl”a 80 milyon avroya satacağına bel bağlayır. Kataloniya klubu həmçinin Ansu Fati ilə Ferran Torresin hər birinə minimum 40 milyon avro qiymət qoymaqla satışa çıxarıb. Messi “Barsa” ilə “1+1” şərti ilə, həm də maaşının önəmli şəkildə azaldılmasına razılıq verməklə müqavilə bağlaya bilər.

Çoxları Messini bu il də “Qızıl top” uğrunda mübarizədə əsas favorit sayır. Ancaq Luiş Fiqu bu fikirlə razı deyil.

“Mundo Deportivo” portuqaliyalı əfsanənin aşağıdakı fikirlərinə yer verib:

Təkcə Messinin milyonlarla azarkeşi yox, ekspertlər də Fiqu ilə mübahisə etməyə hazırdı. Məsələn, “Goal”ın yenilənmiş reytinqində argentinalı hələ də “Qızıl top”a əsas iddiaçı kimi qalır. Holann və Mbappe isə uyğun olaraq, 2-3-cü yerlərdə qərarlaşıblar. Benzema reytinqin 13-cü pilləsindədi.

Bukmekerlər də üstünlüyü argentinalıya verir. Bununla belə, Holannın klub səviyyəsində bu il Messidən daha parlaq təsir bağışladığını inkar etmək axmaqlıq olardı. PSJ yalnız Fransa çempionluğuna iddialıdı, “Mançester Siti” isə bu mövsüm trebl edə bilər. Elə şəxsi statistika da norveçlinin xeyrinədi. Erlinq cari mövsümdə bütün turnirlərdə 51 qol vurubsa, Lionelin 20 qolu var.

“Qızıl top”un təqvim ilinin yekunlarına görə təqdim olunduğunu nəzərə alsaq, növbəti mövsümün ilk yarısının dünya futbolundakı ən nüfuzlu fərdi mükafatın sahibini müəyyənləşdirmək baxımından qüvvələr nisbətini dəyişə biləcəyini düşünmək tam məntiqlidi. Ancaq bildiyiniz kimi, rəqəmlər “Frans Futbol”u az maraqlandırır, son illərdə “Qızıl top”a iddialıların adı və statusu futbol meydanındakı nəticələrdən daha böyük rol oynayır.

"Football-plus.az"