“Real”ın oyun qurucusu Serxio Yul bu klubun heyətində 1000-ci oyununu keçirib.

"Football-plus.az" xəbər verir ki, madridlilərin ölkə çempionatı səviyyəsində “Betis”i məğlub etdiyi oyun (79:77) 35 yaşlı ispaniyalının karyerasına yubiley kimi düşüb. “Real”a 2007-ci ildə “Manresa”dan keçən Yul 1000 oyunun 751-də qalib gəlib. Oyun sayına görə klub rekordçusu isə Felipe Reyesdi (1046).

Yul “kral klubu”nun heyətində üç dəfə Avroliqanı qazanıb. Turnirin builki finalında məhz onun son saniyələrdəki atışı “Olimpiakos” üzərində qələbəni (79:78) şərtləndirib. Yul həmçinin 7 dəfə İspaniya çempionu olub, 2017-də Avroliqa mövsümünün ən dəyərli oyunçusu sayılıb, bu turnirin 2010-20-ci illər aralığı üçün rəzmi yığmasına da düşüb.