Final oyunlarında son saniyəyə qədər mübarizə aparmaq həvəsi sanki “Real”ın bütün komandalarının mentallığına, genetik kodlarına yazılıb.

“Football-plus.az” xəbər verir ki, basketbol üzrə Avroliqa da bu mənada istisna olmadı. Madrid klubu “Olimpiakos”la oyunun 4-cü çeyrəyi boyunca hesabda geri olsa da, sonda Serxio Yulun dəqiq atışı sayəsində qələbə qazandı. Yunanların 29 xal toplayan forvardı Aleksandr Vezenkov finalın ən məhsuldar oyunçusu oldu. “Real”ın mərkəz oyunçusu Edi Tavareş isə “4-lər finalı”nın ən dəyərli oyunçusu sayıldı. Kabo-Verdedən olan 31 yaşlı basketbolçu 13 xal topladı və 10 ribaund etdi. Tarixində 11-ci dəfə Avroliqanı qazanan “Real” bu göstəricidə turnirin rekordçusudu.

3-cü yer uğrunda oyunda isə “Monako” “Barselona”dan üstün oldu.

final
Olimpiakos (Yunanıstan) – Real (İspaniya) 78:79 (24:17, 21:28, 18:14, 15:20)
3-cü yer uğrunda oyun
Monako (Fransa) – Barselona (İspaniya) 78:66 (24:13, 20:15, 16:17, 18:21)