''Qalatasaray'' tarixinin 23-cü çempionluğunu qazanmağa hazırlaşır.

"Football-plus.az" xəbər verir ki, İstanbul nəhəngi bu gün 36-cı turda səfərdə ''Ankaragücü''nü yenəcəyi təqdirdə çempionluğu rəsmiləşdirəcək.

Bu oyun məşqçi kimi klubun başında ilk zəfərini əldə etməyə çalışan Okan Buruk üçün də xüsusi əhəmiyyət kəsb edir. Məsələ burasındadı ki, Okan Buruk ''Cim-Bom''da futbolçu kimi ilk çempionluğunu düz 30 il öncə - 1993-cü ilin mayın 30-da əldə edib. Özü də təsadüfə bax ki, həmin vaxt da ''sarı-qırmızılar'' səfərdə ''Ankaragücü'' ilə qarşılaşmışdılar. Amma Buruk o matçı ayağı qırıq olduğu üçün buraxmaq məcburiyyətində qalmışdı. O, bu dəfə məşqçi kimi yenə də Ankarada ilk çempionluğunu qazanmağa yaxındı. Qeyd edək ki, 1992/93-də ''Beşiktaş''la gərgin çempionluq mübarizəsi yaşayan ''Qalatasaray'' son turda Ankarada 8:0 hesabı ilə qalib gəlmiş və topların daha yaxşı fərqinə görə çempion olmuşdu.

ƏLİ