Şəkililər Lənkəranda güclü təzyiqlə üzləşib - AÇIQLAMA
Region Liqasında sonuncu yarımfinalçının adına aydınlıq gəlib. "Xəzər Lənkəran 42" - "Marxal" qarşılaşmasında Şəki təmsilçisi növbəti mərhələyə adlayıb.
İlk oyunda "Marxal" rəqibi 3:1 üstələsə də, sonra Lənkəran təmsilçisinin heyətində 2 futbolçunun peşəkar müqaviləsinin olduğu üzə çıxdı. Bu üzdən cənublulara texniki məğlubiyyət (0:3) verildi. Lənkəranda baş tutan cavab görüşündə meydan sahibləri 2:0 hesablı qələbə qazansa da, bu nəticə rəqibi növbəti mərhələyə daşıdı.
“Football-plus.az” saytı olaraq "Marxal”ın təsisçisi və prezidenti Elgün Hüseynovun oyunla bağlı fikirlərini öyrəndik:
"Lənkəranda gözəl ab-hava vardı. Cavab matçını finala bərabər oyun adlandırardım. Həddən artıq gərgin qarşılaşma oldu. Yerli azarkeşlərin dəstəyi möhtəşəm idi. "Xəzər Lənkəran 42" mərhələ keçmək üçün çox istəkliydi. Odu ki, üzərimizdə həm rəqibin, həm də azarkeşlərin güclü təzyiqi vardı. Onların sürətli hücumlarının qarşısını almaq üçün hədsiz güc sərf etdik. Bizim üçün əsas nəticə idi.
İlk oyundakı üstünlüyümüzü qorumaq üçün meydanda döyüşdük. Sevinirik ki, mərhələni adlayan tərəf olduq. "Xəzər Lənkəran 42"yə növbəti mövsümdə uğurlar arzu edirəm. Bu klub həqiqətən daha səviyyəli liqalarda çıxış etməyə layiqdi".
İlk oyundakı üstünlüyümüzü qorumaq üçün meydanda döyüşdük. Sevinirik ki, mərhələni adlayan tərəf olduq. "Xəzər Lənkəran 42"yə növbəti mövsümdə uğurlar arzu edirəm. Bu klub həqiqətən daha səviyyəli liqalarda çıxış etməyə layiqdi".
Qeyd edək ki, yarımfinalda “Marxal” - “Çinar” (Zəngilan), “Qusar” - “Arpaçay” (Şərur) görüşləri baş tutacaq.
ABDULLA İSMAYILOĞLU
Digər xəbərlər
