"Xəzər Lənkəran 42"nin rəsmisi “od püskürdü”: “Şəki stadionunda at yarışının keçirilməsi daha məqsədəuyğun olardı”
Region Liqasında sonuncu yarımfinalçının adına aydınlıq gəlib. "Xəzər Lənkəran 42" - "Marxal" qarşılaşmasında Şəki təmsilçisi növbəti mərhələyə adlayıb.
İlk oyunda "Marxal" rəqibi 3:1 üstələsə də, sonra Lənkəran təmsilçisinin heyətində 2 futbolçunun peşəkar müqaviləsinin olduğu üzə çıxdı. Bu üzdən cənublulara texniki məğlubiyyət (0:3) verildi. Lənkəranda baş tutan cavab görüşündə meydan sahibləri 2:0 hesablı qələbə qazansa da, bu nəticə rəqibi növbəti mərhələyə daşıdı.
"Football-plus.az" olaraq oyunla bağlı "Xəzər Lənkəran 42"nin təsisçisi və direktoru Höccət Hacıyevin fikirlərini öyrəndik:
"Lənkəranda futbol bayramı idi. Son dəfə stadionumuzda nə vaxt belə anşlaq olduğu yadımıza gəlmir.
"Marxal" ilə qarşılaşmaya 5 mindən çox azarkeş toplaşmışdı. Onlar sona qədər bizə möhtəşəm dəstək verdi. Oyunda üstün tərəf idik. 90 dəqiqəni rəqibin qapısı önündə keçirdik. Hücumlar, qol imkanları bir-birini əvəz edirdi. Rəqibə bir dəfə cərimə meydançamıza girməyə imkan vermədik. Fürsətlərdən ikisini qola çevirə bildik. Təbii ki, hakim qərəzi də göz oxşadı. Oyunun sonlarına yaxın 100 faizlik penaltini vermədi. Hətta matçdan sonra rəqib futbolçu da topun əlinə dəydiyini etiraf etdi. Amma referi buna məhəl qoymadı.
Bundan başqa, rəqib futbolçular 90 dəqiqə ərzində, əsasən də 2-ci yarıda vaxt “öldürmək” üçün tez-tez özünü yerə atırdı. Amma ədalət təmsilçiləri itirilən vaxtı ədalətli şəkildə “sığortalamadı”. Təxminən 15 dəqiqə rəqib futbolçular bu şəkildə vaxt “yedi”. Referi isə ikinci yarıya 4 dəqiqə əlavə etdi. Şəki təmsilçisi ilk oyunda da belə hərəkətlərlə tempi aşağı salırdı. Onda da hakim vaxt itkisini 2-3 dəqiqə əlavə etməklə ört-basdır etdi. Bir sözlə, rəqib hər iki matçda bizə qarşı qorxaq futbol oynadı, hakimlər də ədalətsizlik etdi.
Bizim prinsipimiz sadədi, udanda da, uduzan da kişi kimi, qorxmadan oynamaq. Mərhələ keçməyə biz layiq idik. Sərgilədiyimiz kreativ, mübariz oyunla bunu sübut etdik. Şəki stadionunda oynamaq çox təhlükəlidi. Çünki qazon bərbad gündədi. Orda at yarışının keçirilməsi daha məqsədəuyğun olardı.
İntizam Komitəsi tərəfindən texniki məğlubiyyət almağımızın da rolu oldu. Günahımızı danmırıq, daha diqqətli olmalıydıq. 1 aya görə bu cəzanı aldıq. İlk oyundakı nəticə ləğv olunmasaydı, qarşılaşmanı uzatma dəqiqələrinə, ən pis halda penalti seriyasına daşıyacaqdıq. Qısası, bəxt də sanki bizdən üz döndərmişdi. Amma xöşbəxtik ki, Ləkəran stadionunda möhtəşəm ab-hava, güclü azarkeş dəstəyi vardı. Mərhələni keçə bilməsək də, oyunda və fanatlarımızın qəlbində qalibik.
Bildiyiniz ki, 1-ci divizionda çıxış etmək üçün sənədlərimizi AFFA-ya təqdim etmişik. Çox ümidliyik ki, peşəkar liqada çıxışımıza icazə veriləcək. Cənub bölgəsinə böyük futbolu qaytarmaq lazımdı. İcazə verilməsə belə, əl-qolumuzu yana salmayacaq, Region Liqasında daha yaxşı çıxış etmək üçün hazırlaşacağıq.
Məqsədimiz çempion olmaqdı. Bununla həm də 1-ci divizionda oynamağı haqq etdiyimizi göstərəcəyik".
"Marxal" ilə qarşılaşmaya 5 mindən çox azarkeş toplaşmışdı. Onlar sona qədər bizə möhtəşəm dəstək verdi. Oyunda üstün tərəf idik. 90 dəqiqəni rəqibin qapısı önündə keçirdik. Hücumlar, qol imkanları bir-birini əvəz edirdi. Rəqibə bir dəfə cərimə meydançamıza girməyə imkan vermədik. Fürsətlərdən ikisini qola çevirə bildik. Təbii ki, hakim qərəzi də göz oxşadı. Oyunun sonlarına yaxın 100 faizlik penaltini vermədi. Hətta matçdan sonra rəqib futbolçu da topun əlinə dəydiyini etiraf etdi. Amma referi buna məhəl qoymadı.
Bundan başqa, rəqib futbolçular 90 dəqiqə ərzində, əsasən də 2-ci yarıda vaxt “öldürmək” üçün tez-tez özünü yerə atırdı. Amma ədalət təmsilçiləri itirilən vaxtı ədalətli şəkildə “sığortalamadı”. Təxminən 15 dəqiqə rəqib futbolçular bu şəkildə vaxt “yedi”. Referi isə ikinci yarıya 4 dəqiqə əlavə etdi. Şəki təmsilçisi ilk oyunda da belə hərəkətlərlə tempi aşağı salırdı. Onda da hakim vaxt itkisini 2-3 dəqiqə əlavə etməklə ört-basdır etdi. Bir sözlə, rəqib hər iki matçda bizə qarşı qorxaq futbol oynadı, hakimlər də ədalətsizlik etdi.
Bizim prinsipimiz sadədi, udanda da, uduzan da kişi kimi, qorxmadan oynamaq. Mərhələ keçməyə biz layiq idik. Sərgilədiyimiz kreativ, mübariz oyunla bunu sübut etdik. Şəki stadionunda oynamaq çox təhlükəlidi. Çünki qazon bərbad gündədi. Orda at yarışının keçirilməsi daha məqsədəuyğun olardı.
İntizam Komitəsi tərəfindən texniki məğlubiyyət almağımızın da rolu oldu. Günahımızı danmırıq, daha diqqətli olmalıydıq. 1 aya görə bu cəzanı aldıq. İlk oyundakı nəticə ləğv olunmasaydı, qarşılaşmanı uzatma dəqiqələrinə, ən pis halda penalti seriyasına daşıyacaqdıq. Qısası, bəxt də sanki bizdən üz döndərmişdi. Amma xöşbəxtik ki, Ləkəran stadionunda möhtəşəm ab-hava, güclü azarkeş dəstəyi vardı. Mərhələni keçə bilməsək də, oyunda və fanatlarımızın qəlbində qalibik.
Bildiyiniz ki, 1-ci divizionda çıxış etmək üçün sənədlərimizi AFFA-ya təqdim etmişik. Çox ümidliyik ki, peşəkar liqada çıxışımıza icazə veriləcək. Cənub bölgəsinə böyük futbolu qaytarmaq lazımdı. İcazə verilməsə belə, əl-qolumuzu yana salmayacaq, Region Liqasında daha yaxşı çıxış etmək üçün hazırlaşacağıq.
Məqsədimiz çempion olmaqdı. Bununla həm də 1-ci divizionda oynamağı haqq etdiyimizi göstərəcəyik".
ABDULLA İSMAYILOĞLU
Digər xəbərlər
