Ferstappen “Formula-1” dünyasında özünə rəqib görmür
“Formula-1” üzrə dünya çempionatının cari mövsümündə ilk beş mərhələ arxada qalıb.
"Football-plus.az" xəbər verir ki, bunlardan üçünün qalibi olan, daha birində fəxri kürsüyə qalxan Maks Ferstappenin danışmaq, özünü tərifləmək istəyi təbiidi.
“Red Bull”un niderlandlı pilotunun dilinə görə dilçəyi də var. Onun növbəti açıqlamasına baxaq:
“Özümü həmişə məğlubedilməz hiss edirəm. Ancaq bəzən rəqiblər çox yaxşı gün keçirə, yaxınlaşa, bərabərləşə və ya irəli keçə bilərlər. İmkan daxilində 100 faiz gücünü ortaya qoymaq, həmişə ideal çıxış etmək vacibdi.
Mövsüm uzundu, mən həmişə mükəmməlliyə mümkün qədər yaxın olmağa çalışıram”.
Mövsüm uzundu, mən həmişə mükəmməlliyə mümkün qədər yaxın olmağa çalışıram”.
Ferstappen Mayami mərhələsində azarkeşlərdən gördüyü münasibəti də şərh edib:
“Düşünürəm ki, “quyruq”da olsaydım, heç kim belə reaksiya verməzdi, düzdü? Mənə elə gəlir ki, bu normal tendensiyadı, adamlar qalibləri sevmirlər. Nə qədər ki zirvədəyəm, heç bir problem yoxdu – mənim üçün əsas olan budu. Mən qəniməti evə aparıram, onlar isə özlərinə gəlib yaxşı gecə keçirirlər”.
Xatırladaq ki, Mayami mərhələsindən sonra Ferstappen ən yaxın izləyicisindən – komanda yoldaşı Serxio Peresdən 14 xal irəlidədi. “Formula-1” üzrə dünya çempionatında növbəti mərhələ mayın 19-21-i aralığında İtaliyada keçiriləcək.
Digər xəbərlər
