"İnanırsız, belə bir hadisənin baş verməsinə hələ də inana bilmirəm. Şirxan Həsənzadə U-21 millimizin üzvü olaraq xoş sözlərə layiq idi. O, daim üzərində çalışan, özünə qarşı tələbkar, işinə ciddi yanaşan futbolçu olmaqla yanaşı, həm də çox tərbiyəli biri idi. Məşqlərdə həmişə özünü yaxşı tərəfdən göstərirdi. Moldova ilə oyunda da iştirak etmişdi. Milliyə dəvət aldığı vaxtlarda nə bizim ondan, nə də onun bizdən narazılığı olub. Haqqında həmişə xoş fikirdə olmuşuq. Vaxtsız bizi tərk etdi. Alah rəhmət eləsin, məkanı cənnət olsun. Nə qədər ağır olsa da, valideynlərinə başsağlığı çatdırır, səbr diləyirəm".