UEFA Belarus yığmasına sanksiya tətbiq edə bilər.

"Football-plus.az" xəbər verir ki, komandanın AÇ-2024-ün seçmə turnirindən kənarlaşdırılmaq ehtimalı ortaya çıxıb.

UEFA-nın yaydığı məlumatda təşkilatın İcraiyyə Komitəsinin aprelin 4-də Belarusdakı vəziyyəti müzakirə edəcəyi bildirilib. Bir müddət əvvəl Avropa parlamentinin 100-dən artıq deputatı UEFA-ya insan hüquqlarının pozulmasına görə Belarus yığmasını qitə çempionatında mübarizədən kənarlaşdırmaqla bağlı çağırış etmişdi. Qeyd edək ki, qitə futbol təşkilatı yerli komandaları beynəlxalq səviyyəli oyunlarını ölkə ərazisində keçirmək hüququndan məhrum edib. Bu isə Belarusun Ukrayna ilə müharibədə Rusiyaya dəstək verməsi ilə bağlıdı. UEFA Belarus və Ukrayna komandalarının qitəmiqyaslı yarışlarda bir-birinə rəqib olmasını da lazım bilmir.

Yeri gəlmişkən, Belarus millisi artıq AÇ-2024-ün seçmə turnirində iki oyun keçirib. I qrupunda yarışan komanda İsveçrəyə 0:5, Rumıniyaya isə 1:2 hesabı ilə məğlub olub.