“Lids”də növbəti istefa qaçılmaz olub. Artıq yeni baş məşqçi də müəyyənləşib.

“Football-plus.az” xəbər verir ki, komandaya tanınmış mütəxəssis təyinat alıb. Premyer-liqa təmsilçisini Sem Ellerdays çalışdıracaq. Onunla müddəti mövsümün sonuna qədər razılaşdırılan müqavilə imzalanıb. 68 yaşlı mütəxəssis baş məşqçi vəzifəsində Xavi Qrasiyanı əvəzləyib.

Qeyd edək ki, “Lids” ispaniyalının rəhbərliyi altında keçirdiyi 12 oyunda 3 qələbə qazanıb və 7 dəfə məğlub olub. Komanda hazırda premyer-liqada 34 oyuna 30 xalla turnir cədvəlində 17-ci yeri tutur.