“Şalke-04”də baş məşqçi problemi yoluna qoyulub.

Rəhbərlik bir neçə gün əvvəl Dimitrios Qrammozisi istefaya göndərmişdi.

Almaniya klubu 43 yaşlı mütəxəssislə müqaviləyə xitam vermişdi. Yunan məşqçinin “Şalke-04” ilə sözləşməsinin müddəti cari mövsümün sonuna qədər idi.

Komandanı ötən ilin martından çalışdıran Qrammozisin yerinə Mihael Büskens təyinat alıb. 53 yaşlı alman mütəxəssis ilə razılaşdırılan müqavilənin müddəti mövsümün sonuna qədər nəzərdə tutulub. Qrammozisin istefasına 2-ci bundesliqanın son turunda “Hanza”ya evdə 3:4 hesablı məğlubiyyət səbəb olmuşdu. Komanda hazırda turnir cədvəlində 25 oyuna 41 xalla 6-cı yeri tutur.