Ötən həftənin istirahət günlərində Region Liqasında növbəti turun oyunları keçirilib. Bəribaşdan qeyd edək ki, Mərkəzdə “Ağsu-06” – “Araz”, Şimal-Qərb regionunda isə “Şəki” – “VT Gəncə” matçları təxirə salınıb. “Ağsu Siti” çempionatdan kənarlaşdırıldığına görə “İsmayıllı” meydana çıxmadan hesabına 3 xal yazdırıb.

Cənub regionu

Autsayderlə oyunda “Xəzər Lənkəran”ın qalib gələcəyi gözlənilirdi ki, ehtimallar özünü doğruldub. Səfərdə oynamasına baxmayaraq, Lənkəran komandası “Ərkivan”ı böyük hesabla məğlub edib. “Neftçala” – “Qobustan” matçında isə qalib müəyyənləşməyib. Qrupda əsl triller Lerikdə yaşanıb. Bölgənin eyniadlı təmsilçisi “Zəfər 44” ilə qarşılaşıb. Qola-qol prinsipi ilə keçən 90 dəqiqənin sonunda qonaqlar qalib gəlib.

Ərkivan (Massallı) – Xəzər Lənkəran 42 0:7
Neftçala – Qobustan 1:1
Lerik – Zəfər 44 (Cəlilabad) 4:5

1. Xəzər Lənkəran 42 9 6 2 1 25-7 20
2. Qobustan 9 5 2 2 15-7 17
3. Neftçala 9 3 4 2 12-9 13
4. Lerik 9 4 1 4 17-15 13
5. Zəfər 44 9 3 3 3 18-16 12
6. Ərkivan 9 0 0 9 7-40 0

Bombardirlər: Röyal Nəcəfov (Xəzər Lənkəran 42), Şamxal Məlikov (Neftçala) – 6.

Mərkəz regionu

Girişdə qeyd etdiyimiz kimi, bu qrupda iki oyun baş tutmayıb. Keçirilən yeganə qarşılaşmada isə “Füzuli” “Ərgünəş”i meydana çıxmağa peşman edib. Mövsüm ərzində xal itirməyən və pley-offa vəsiqəni təmin edən komanda “ASK Arena”da baş tutan Füzuli derbisində “Ərgünəş”i 8 dəfə meydanın mərkəzinə dəvət edib.

Füzuli – Ərgünəş (Füzuli) 8:0
İsmayıllı - Ağsu Siti +:- (texniki qələbə)

1. Füzuli 9 9 0 0 49-7 27
2. Araz 8 5 0 3 17-16 15
3. Ağsu-06 8 4 2 2 18-19 14
4. İsmayıllı 9 3 2 4 14-20 11
5. Ağsu Siti 9 2 0 7 5-20 6
6. Ərgünəş 9 1 0 8 7-28 3

Bombardirlər: Tural Qürbətov (Füzuli) – 17, Məhəmməd Alıyev (Füzuli) – 10, Cəsur Hüseynov (Füzuli) – 7.

Paytaxt regionu

Bu qrupda sensasiya yaşanmayıb. Liderlər hesabına növbəti 3 xalı yazdırmağı bacarıb. Qusarda stadion olmadığına görə ev oyunlarını Siyəzəndə keçirən “Qusar” “Rekord”dan üstün olub. “Dirçəliş” “Bakı Atletik”in qapısından 10 cavabsız top keçirib. Yeri gəlmişkən, “Bakı Atletik” hələ ki Region Liqasında qapısında ən çox qol görən komandadı. “Şirvanovka” da azarkeşlərini böyükhesablı qələbə ilə sevindirib. Kənd komandası “Gəncliy”i Şirvanovkaya gəldiyinə görə peşman edib.

A qrupu

Qusar – Rekord 3:0
Diçəliş – Bakı Atletik 10:0
Şirvanovka – Gənclik 8:0

1. Şirvanovka 12 9 2 1 43-3 29
2. Qusar 11 9 1 1 57-5 28
3. Rekord 11 8 0 3 42-7 24
4. Dirçəliş 11 4 2 5 29-18 14
5. Gənclik 11 3 2 6 15-44 11
6. Mübariz 11 2 1 8 27-54 7
7. Bakı Atletik 11 0 0 11 4-86 0

Bombardirlər: Cəfər Şahməmmədov (Mübariz) – 20, Sərxan Ağayev (Qusar) – 19, Rəhim Nağıyev (Rekord) – 12.

B qrupu

Turun sensasiyası, heç şübhəsiz ki, bu qrupda yaşanıb. Lider “Çinar-Zəngilan” gözlənilmədən İCBFA-ya boyun əyib. “Cəbrayıl” “Dalğa Arena”da keçirilən matçda “Lokomotiv”i məyus edib. Binə qəsəbə stadionunda “Cürət”i qonaq edən “İrəvan” 3 xalı 2 qolla qazanıb.

Cəbrayıl – Lokomotiv 2:1
İrəvan – Cürət 2:0
Çinar-Zəngilan – İCBFA 2:4

1. Çinar-Zəngilan 12 10 0 2 67-15 30
2. Difai 11 9 0 2 55-18 27
3. Cəbrayıl 11 5 2 4 29-22 17
4. İCBFA 11 5 2 4 25-29 17
5. İrəvan 10 4 0 6 18-46 12
6. Lokomotiv 10 1 1 8 19-48 4
7. Cürət 11 1 1 9 22-57 4

Bombardirlər: Eşqin Tağıyev (Difai) – 22, Sergey Markelov (Çinar-Zəngilan) – 21, Elmin Əskərli (Çinar-Zəngilan) – 13.
Şimal-Qərb regionu

8 komandanın mübarizə apardığı regionda həftəsonu bütün diqqətlər Şəkidə keçirilən “Marxal” – “Karvan” oyununa yönəlmişdi. Bu komandalar arasında ilk dövrədə Yevlaxda baş tutan görüş meydan sahiblərinin qələbəsiylə yekunlaşsa da, oyundan sonra qonaqlar təşkilatçılıqdan narazı qalmış, yerli polisin təzyiqi ilə üzləşdiklərini bildirmişdilər. “Marxal”ın meydanında keçirilən görüşdə insident yaşanmasa da, meydan sahibləri ilk dövrədəki məğlubiyyətin əvəzini çıxa bilməyib. Yevlax komandası matçı qalib bitirməklə yanaşı, turnir cədvəlində ilk pilləyə yüksəlib. “Göygöl” səfərdə “Ağstafa”ya minimal hesabla qalib gəlib. “Qala” isə Qazax səfərindən əlidolu dönüb.

Ağstafa – Göygöl 0:1
Marxal (Şəki) – Karvan (Yevlax) 0:2
Göyəzən (Qazax) – Qala (Şəmkir) 2:3

1. Karvan 13 9 3 1 39-8 30
2. Marxal 12 9 0 3 43-11 27
3. Qala 13 7 3 3 36-21 24
4. Göygöl 12 6 3 3 41-15 21
5. Ağstafa 12 5 2 5 32-31 17
6. Göyəzən 13 4 4 5 32-29 16
7. VT Gəncə 12 1 1 10 22-56 4
8. Şəki 11 0 0 11 8-82 0

Bombardirlər: Arzuman Vəliyev (Göyəzən) – 19, Ravil Yusifli (Marxal) – 15, Ceyhun Rəcəbli (Marxal) – 13.