Həftəsonu Region Liqasında 4-cü turun oyunları keçirilib.

Football-plus.az xəbər verir ki, cənub regionunda 3 qarşılaşma baş tutub. “Xəzər Lənkəran 42” evdə autsayder “Ərkivan”la üz-üzə gəlib.

Oyun Lənkəran komandasının böyükhesablı qələbəsi ilə yekunlaşıb. Qobustan da azarkeşlərini sevindirib. Bölgənin eyniadlı komandası “Neftçala”nı minimal hesabla üstələyib. “Lerik”i çətin Cəlilabad səfəri gözləyirdi. Hər nə qədər gözlənilməz olsa da, liqanın debütantı Cəlilbadda yerli komandadan üstün olub. 4 turdan sonra “Lerik” turnir cədvəlində ilk pillədə qərarlaşıb. Ondan 3 xal geri qalan “Qobustan” isə ikinci yerdədi. Autsayder “Ərkivan” hələ ki xala həsrətdi.

Cənub regionu
Xəzər Lənkəran 42 – Ərkivan (Masallı) 7:2
Qobustan – Neftçala 1:0
Zəfər 44 (Cəlilabad) – Lerik 1:3

1. Lerik 4 3 1 0 10-3 10
2. Qobustan 4 2 1 1 8-3 7
3. Xəzər Lənkəran 42 4 2 1 1 11-7 7
4. Zəfər 44 4 1 2 1 7-5 5
5. Neftçala 4 1 1 2 3-5 4
6. Ərkivan 4 0 0 4 4-20 0

Bombardirlər: Zaur Nuruzadə (Lerik), Mirəli İsmayılov, Ümüd Hüseynov ( hər ikisi “Xəzər Lənkəran 42”), Arzuman Nəsibov (Qobustan) – 3.

Mərkəz regionu

Ötən tur maliyyə problemləri səbəbindən meydana çıxmayan “Ağsu Siti” 4-cü turda “İsmayıllı”nı qonaq edib. Maraqlı idman mübarizəsi şəraitində keçən görüş meydan sahiblərinin qələbəsi ilə başa çatıb. Füzuli derbisində “Ərgünəş” rayonun eyniadlı komandası ilə qarşılaşıb. Daha təcrübəli “Füzuli” liqanın debütantını xalsız qoyub. Nominal qonaqların 5 qoluna meydan sahibləri iki dəfə cavab verib. “Ağsu-06” Saatlıda “Araz”ın qonağı olub. Ancaq ağsulular özlərini heç də qonaq kimi aparmayıb.

Ağsu Siti – İsmayıllı 2:1
Ərgünəş (Füzuli) – Füzuli 2:5
Araz (Saatlı) – Ağsu-06 1:3
1. Füzuli 4 3 0 1 15-6 9
2. Araz 4 3 0 1 9-5 9
3. Ağsu-06 4 2 1 1 8-7 7
4. Ağsu Siti 4 2 0 2 5-6 6
5. Ərgünəş 4 1 0 3 4-10 3
6. İsmayıllı 4 0 1 3 3-10 1
Bombardirlər: Tural Qürbətov (Füzuli) – 6, Namiq Osmanov (Ağsu-06) – 3.

Paytaxt regionu
Paytaxt regionunun A qrupunda keçirilən üç görüşdən ikisində meydan sahibləri qələbə qazanıb, biri isə qonaqların zəfəri ilə başa çatıb. Səfərdə qələbəyə “Dirçəliş” sevinib. Bakı komandası “Mübariz”dən üstün olub. “Rekord” “Şirvanovka”nı, “Gənclik” isə “Bakı Atletik”i minimal hesabla üstələyib.

A qrupu
Mübariz (Bakı) – Dirçəliş (Bakı) 2:5
Rekord (Bakı) – Şirvanovka (Qusar) 1:0
Gənclik (Bakı) – Bakı Atletik (Bakı) 1:0
1. Rekord 3 3 0 0 18-0 9
2. Qusar 3 2 1 0 17-1 7
3. Gənclik 4 2 0 2 5-15 6
4. Şirvanovka 4 1 2 1 3-2 5
5. Dirçəliş 3 1 1 1 6-7 4
6. Mübariz 4 1 0 3 14-14 3
7. Bakı Atletik 3 0 0 3 2-26 0

Bombardirlər: Cəfər Şahmuradov (Mübariz) – 9, Sərxan Ağayev (Qusar) – 8, Seyidrza Hosseyini Hotkani (Rekord) – 5.
B qrupunda isə azarkeşlər məhsuldar oyunlar izləyib. “Difai” “İrəvan”ı meydana çıxmağa peşman edib. “Çinar-Zəngilan” səfərdə “Lokomotiv”dən üstün olubsa, ötən tur dincələn “Cürət” İCBFA-nı 5 dəfə meydanın mərkəzinə dəvət edib. Qonaqların gücü yalnız təsəlli qoluna çatıb.
B qrupu
Difai (Bakı) – İrəvan (Bakı) 12:0
Lokomitiv (Bakı) – Çinar-Zəngilan 1:7
Cürət (Corat) – İCBFA (Bakı) 5:1
1. Difai 4 4 0 0 28-5 12
2. Çinar-Zəngilan 4 3 0 1 24-3 9
3. Cəbrayıl 3 1 1 1 9-8 4
4. İCBFA 4 1 1 2 7-12 4
5. Cürət 3 1 0 2 11-16 3
6. Lokomotiv 3 1 0 2 7-13 3
7. İrəvan 3 0 0 3 2-31 0
Bombardirlər: Eşqin Tağıyev (Difai) – 10, Sergey Markelov (Çinar-Zəngilan) – 8.

Şimal-Qərb regionu

Bu regionda “Marxal”ın hökmranlığı davam edir. Şəki komandası bu dəfə səfərdə “Göygöl”ü məyus edib. Şəkinin eyniadlı komandası isə məğlubiyyətləri sıralayır. “Halvaçılar” bu dəfə Ağstafadan əli ətəyindən uzun dönüb. Birvaxtlar elitada çıxış edən “Karvan”la “Göyəzən” bu dəfə həvəskarların çıxış etdiyi liqada qarşılaşıb. Yevlaxda keçirilən görüş meydan sahiblərinin qələbəsi ilə başa çatıb. “Qala” isə Region Liqasında ilk qələbəsini bayram edib. Şəmkir komandası səfərdə “VT Gəncə”dən üstün olub.

Göygöl – Marxal (Şəki) 0:1
Ağstafa – Şəki 9:1
Karvan (Yevlax) – Göyəzən (Qazax) 2:1
VT Gəncə - Qala (Şəmkir) 2:3

1. Marxal 4 4 0 0 19-1 12
2. Ağstafa 4 3 1 0 20-7 10
3. Karvan 4 3 1 0 8-1 10
4. Göygöl 4 1 1 2 10-6 4
5. Göyəzən 4 1 1 2 11-12 4
6. Qala 4 1 1 2 3-7 4
7. VT Gəncə 4 0 1 3 6-12 1
8. Şəki 4 0 0 4 4-35 0

Bombardirlər: Ceyhun Rəcəbli (Marxal) – 9, Elgün Namazov (Ağstafa) – 6.