“Miluoki”nin forvardı 2022/23-ə yekun vurarkən “Maykl Cordan 15 il ərzində cəmi 6 dəfə çempion olmuşdu. Belə çıxır ki, qalan 9 ildə o, uğursuz olub? İdmanda uğursuzluq yoxdu.

Sadəcə, yaxşı və pis gün olur. Bəzən alınır, bəzən isə yox. Həmişə qalib gəlmək mümkün deyil” açıqlamasını vermişdi. Ançelottini dinləyək: “Adetokumbonun sözləri məni heyran etdi. Fikirlərimiz onunla üst-üstə düşür. İdmanda və həyatda uğursuzluqdan danışmaq düzgün deyil. İdmanda sən, ümumiyyətlə, cəhd etmək istəmirsənsə, o zaman uğursuz sayıla bilərsən.

Ən azı cəhd etmisənsə, deməli, artıq uğursuz deyilsən. Çünki idmanda zatən məğlubiyyətlər qələbələrdən çox olur. Hərçənd mən bu baxımdan karyeramdan razıyam. Modriç haqda sizə gözəl xəbərim var. Artıq özünü yaxşı hiss edir və şənbə günü kubokun finalında meydanda ola bilər.

Alabanın sabahkı (bugünkü – red.) matçda oynamayacağı dəqiqdi. Valverdenin durumu bəlli deyil. Benzema da son məşqdə yorğun görünürdü. Oyun ərəfəsində özünü yaxşı hiss etsə, oynayacaq. Rotasiyadan o qədər də çox faydalanmaq niyyətim yoxdu.

“Real”ın yeni hücumçuya ehtiyacı varmı? Kərimin yaşını nəzərə alanda klub gələcək layihə üçün yeni “9 nömrə” barədə düşünə bilər. Amma Benzema fiziki cəhətdən yaxşı formada olduğu müddətdə buna ehtiyac olmayacaq. Bizim hücum xəttimiz ötən il olduğu kimi bu il də yaxşı işlər görür.

Düzdü, Benzema bu mövsüm bəzən enişli-yoxuşlu qrafik cızıb. Rodriqo ilə Vinisius hələ də inkişaf edir. Asensio da yaxşı durumdadı. Hər halda, son iki mövsümdə hücumla bağlı problem yaşamamışıq. Gələcək taleyim haqda danışmaq istəmirəm. Çünki nə olacağını heç birimiz bilmirik. Mətbuatda mayın 25-nə qədər Braziliya yığmasına bir cavab deməli olduğum haqda xəbərlər qarşıma çıxıb. Bu tam uydurmadı. Mənə heç kim vaxt qoymayıb. Çünki bu barədə, ümumiyyətlə, heç kimlə görüşüm olmayıb”.