Karlo Ançelottinin mövsümün sonunda “Real”dan ayrılmaq ehtimalı qalır. İtalyan mütəxəssis karyerasını Braziliyada davam etdirə bilər.

"Football-plus.az" xəbər verir ki, artıq Braziliya Futbol Konfederasiyası (BFK) baş məşqçiyə etdiyi təklifə cavabı üçün son tarixi müəyyənləşdirib. Bu barədə “Globo” qurumun prezidenti Ednaldo Rodrigezin sözlərinə istinadən məlumat yayıb.

BFK-nın rəhbərliyi 63 yaşlı italiyalı mütəxəssisdən mayın 25-dək cavab gözləməyə hazırdı. Ançelottidən mənfi cavab gələrsə, bundan sonra Braziliya millisinin baş məşqçi vəzifəsinə digər namizədlərlə danışıqlara başlanılacaq. Bu posta dünya şöhrətli mütəxəssisdən başqa Jorje Jezuş (Fənərbaxça), Fernando Diniz (Fluminense) və Abel Ferreyra (Palmeyras) da namizəddi.

BFK-nın Ançelotti ilə yalnız ilkin danışıqlar apardığı bildirilir. Qeyd edək ki, onun “Real”la müqaviləsinin müddəti 2024-cü ilin yayında sona çatacaq.