Son dönəmlərdə tanınmış futbolçuların cinsi təcavüzdə günahlandırılması faktlarına tez-tez rast gəlinir. İndi də Əşrəf Hakiminin adı bu cür qalmaqalda hallanır.

"Football-plus.az" xəbər verir ki, Fransanın ''Le Parisien'' nəşrinin iddiasına görə ötən bazar günü, yəni fevralın 26-da 23 yaşlı bir xanım Parisin ətrafındakı polis məntəqələrindən birinə yaxınlaşaraq PSJ və Mərakeş yığmasının ulduzunun təcavüzünə məruz qaldığını deyib.

Hadisə Hakiminin evində baş verib. Maraqlıdı ki, xanım məhşur futbolçudan şikayət etməyib və sadəcə polisləri belə bir hadisədən xəbərdar etmək istədiyini vurğulayıb. Amma məsələnin ciddiliyini və günahlandırılan şəxsin populyarlığını nəzərə alan polis işçiləri prokurorluqla əlaqə saxlayıblar və hadisənin araşdırılmasına başlanılıb.

Xanımın sözlərinə görə onlar Hakimi ilə yanvarın 16-da tanış olublar. Futbolçu sosial şəbəkədə mesaj bölməsinə yazaraq xanımla tanışlıq qurub və onların arasında ünsiyyət yaranıb. Fevralın 25-də axşam saatlarında Hakimi bu xanımı öz Bulon şəhərində yerləşən evinə dəvət edib. Xanım da taksi çağıraraq həmin evə yollanıb. İddia sahibinin sözlərinə görə evdə çox keçmədən vəziyyət nəzarətdən çıxıb. Mərakeşli futbolçu əvvəlcə xanımın dodağından, sonra da geyimini yuxarı qaldıraraq sinəsindən öpməyə başlayıb. Daha sonra barmaqlarını xanımın ayaqlarının arasına salmağa cəhd edib. Xanımın sözlərinə görə bütün bu hadisələr onun razılığı olmadan baş verib və bu müddət ərzində o, Hakimiyə müqavimət göstərməyə çalışıb. Sonda ayağı ilə futbolçunu itələyərək onun ''caynaqlarından'' qurtulan xanım çölə çıxaraq bir tanışına SMS yazıb və həmin tanışı da onu hadisə yerindən aparıb.

Sonda qeyd edək ki, 24 yaşlı Hakimi özündən 12 yaş böyük olan tanınmış ispaniyalı aktrisa və model Hibe Abuk ilə evlidi! Onların iki övladı var.