''Ailə quracağım qız sosial şəbəkələrə girməməlidi''
''Bavariya''ya transferi an məsələsi olan Sadio Mane son açıqlaması ilə bir çoxlarını təəccübləndirib.
''Liverpul'' və Seneqal yığmasının ulduzu Fransa mətbuatına açıqlamasında hələ də subay olmasının səbəbi barədə danışarkən bildirib ki, ailə həyatı quracağı xanım sosial şəbəkələrə girməməlidi:
''Bir çox xanımlar mənə yazırlar və nə üçün hələ də evlənmədiyimi soruşurlar. Üzr istəyirəm, amma onlar mənə yazmaqla sadəcə vaxt itirirlər. Çünki ailə həyatı quracağım xanım ilk növbədə sosial şəbəkələrə girməməlidi. Allaha dua edən və hörmətlə yanaşan bir xanım olmalıdı''.
Qeyd edək ki, 2016-dan ''Liverpul''un şərəfini qoruyan Mane bu klubun formasında meydana çıxdığı 269 rəsmi oyunda 120 qol, 37 məhsuldar ötürmə ilə fərqlənib.
Digər xəbərlər
