Sabah Azərbaycan kubokunun yarımfinal mərhələsinin cavab matçında “Neftçi” “Turan Tovuz”u qəbul edəcək.

“Football-plus.az” xəbər verir ki, hər iki kollektiv görüşə ciddi hazırlaşır. Görəsən, komandaların heyətində itki var? “Neftçi”də Eddi İsrafilov cəzalıdı. Uzun müddətdi ki, zədəli olan Azər Əliyev sağalıb. Milli üzvünün “boz qurd”la görüşdə meydana çıxıb-çıxmayacağına məşqçilər heyəti qərar verəcək.

“Turan Tovuz”da isə vəziyyət fərqlidi. Komandada cəzalı olmasa da, zədəlilər var. Premyer-liqanın 31-ci turunda “Sabah”la keçirilən matçda zədələnən Tərlan Əhmədli flaqmanla görüşdə meydana çıxa bilməyəcək. Roderik Millerin isə ağrıları var. Müdafiəçinin meydana çıxıb-çıxmayacağı oyun saatında bəlli olacaq.

Qeyd edək ki, ilk qarşılaşmada “Turan Tovuz” “Neftçi”ni 1:0 hesabı ilə məğlub edib.

İLKİN SULTANLI