"Premyer-liqanın çempionunun adına nə qədər gec aydınlıq gəlirsə, bu futbolumuzun bir o qədər inkişafı və cazibədar olması deməkdi. Bildiyimiz kimi, "Qarabağ" uzun illərdi həm avrokubok, həm də ölkə çempionatında mübarizə aparır. Bu da istər-istəməz mövsüm sona yaxınlaşdıqca komandada yorğunluğa gətirib çıxarır. Amma inanıram ki, qarşıdakı oyunlarda Qurban Qurbanov komandasını toparlayaraq qələbələri sıralayacaq. "Sabah" 2 oyunda qələbə qazansa da, etiraf edək ki, Tovuz səfərində çətinlik çəkmədi. "Boz qurd" "Neftçi"ylə kubok matçını düşündüyündən meydana rotasiyalarla çıxmışdı. Mən "Sabah"ın qələbəsini və gücünü kölgə altına salmaq istəmirəm. Təbii ki, futbolda hər şey ola bilər. Amma gedişata real baxsaq, Masazır təmsilçisi çempionluq yarışında "Qarabağ"ı üstələyə bilməyəcək".