"Qərar mənə də qaranlıq qaldı. Oyundan sonra insident baş verib. Hər iki tərəf də hadisənin iştirakçısı olub. Belə olan təqdirdə cəza birtərəfli olmamalı idi. Mən belə düşünürəm. İntizam Komitəsinin düşüncəsi fərqli ola bilər. Lakin oyundan sonra baş verən hadisədə hər iki komandanın futbolçuları iştirak edibsə, onlardan da kimsə sarı və qırmızı vərəqə ilə cəzalanmalı idi. Ancaq "Turan Tovuz"un üzvlərini cərimələmək düzgün deyildi. 3 oyunluq cəza da ağır qərardı.

Düzdü, təhqir olub. Amma qarşı tərəf də bizi təhqir etdi. Lakin şükürlər olsun ki, kiminsə şəxsiyyətinə, mənliyinə toxunacaq ifadə səslənməyib. Buna görə məni 3 oyunluq cəzalandırıblarsa, rəqib də eyni aqibətlə üzləşməli idi. Təkcə mən günahkar olmalı deyildim. Yenə təkrar edirəm, 3 oyun çox ağır qərardı.

Ümid edirəm ki, qarşıdakı günlərdə bunun yüngülləşməsi ilə bağlı qərar qəbul olunar. Ümumiyyətlə, belə hadisələr baş verməməli idi. Oyunun gərginliyi futbolçulara təsir etdi. Ümid edirəm ki, gələcəkdə belə hadisələr baş verməz".