"Qarabağ"ın azarkeşi: "Yekunda Azərbaycan futboluna pislik etmiş oluruq"
AFFA İntizam Komitəsi "Qarabağ"ı cərimələyib. Buna Misli premyer-liqasının 30-cu turunun "Sabah" - "Qarabağ" matçında başverənlər səbəb olub.
Belə ki, "köhlən atlar"ın tərəfdarları "Bank Respublika Arena"da 155 oturacaq sındırıb. Qərara əsasən, qarşı tərəfə dəyən ziyanı "Qarabağ" ödəyəcək.
Mövzu ilə bağlı Ağdam təmsilçisinin sadiq azarkeş qrupu "İmarət"in üzvü Elnur Quliyevlə əlaqə saxladıq. Onun "Football-plus.az"a dedikləri belə oldu:
"Həmin oyunda iştirak etməmişəm. Belə hadisələr dünya futbolunda da mütəmadi baş verir. Azarkeşlər rəqib komandanı müxtəlif yollarla təzyiq altında saxlamaq istəyir. Təəssüf ki, bu məqsədlə etik olmayan hərəkətlərə yol verənlər var.
Rəqib meydanı olsa belə, stadionları qorumalıyıq.
Ölkə çempionatında qarşı tərəf də özümüzük. Avadanlıqların əksəriyyətinin xaricdən idxal edildiyini nəzərə alsaq, yekunda Azərbaycan futboluna pislik etmiş oluruq".
Rəqib meydanı olsa belə, stadionları qorumalıyıq.
Ölkə çempionatında qarşı tərəf də özümüzük. Avadanlıqların əksəriyyətinin xaricdən idxal edildiyini nəzərə alsaq, yekunda Azərbaycan futboluna pislik etmiş oluruq".
KƏNAN BAHADIR
