“Açığı,”Qarabağ”ın performansını bəyənmədim. Bakıda “Gent” üzərində qazandığı qələbədən sonra gözləntilərim böyük idi. Səfər qarşılaşması ilə bağlı daha ümidli idim. Amma... Kadi Borgeslə Ovusu Kvabenanın gedişi klub adına itki oldu. Xüsusilə Ovusu. Fikrimcə, layiq olduğu məbləğə belə satılmadı. Onun kimi hücumçunun komandada yer almaması bəlkə də bu nəticəyə gətirib çıxardı. Yeni transferlərin hələ də komandaya uyğunlaşmamasını və bəzi oyunçuların zədəli olmasını da məğlubiyyətin səbəbi kimi göstərə bilərəm. Bundan əlavə, “Qarabağ” bir çox matçlarda taktiki gedişlərə üstünlük verir. Düşünürəm ki, səfər matçında plan başqa cür idi. Amma stadion və hava şəraiti buna mane oldu. Qarşılaşmanın şərhçisinin də bu məqamı vurğuladığını xatırlayıram. Ümumilikdə meydanda istədiyimiz komandanı görmədik, “Qarabağ” bu deyil. Bütün çətinliklərə baxmayaraq, qələbə bizim ola bilərdi. “Gent” “Qarabağ”a qalib gəlmək potensialında komanda deyil”.