Markus Reşford ilə bağlı sevindirici xəbər yayılıb.

"Football-plus.az" xəbər verir ki, zədəsini sağaldan futbolçu “Mançester Yunayted”in son məşqində iştirak edib. O, premyer-liqanın aprelin 8-də keçirilən “Everton” ilə oyununda (2:0) zədə almışdı. Reşfordun Avropa Liqasının 1/4 finalının “Sevilya” ilə cavab oyununda iştirak edib-etməyəcəyi haqda məlumat verilmir.

Markus MY-nin ən yaxşı bombardiridi. O, bu mövsüm premyer-liqada 29 oyuna 15 qol vurub.