“Mançester Yunayted”in zədəli hücumçusu Markus Reşford ilə bağlı məlumat yayılıb.

"Football-plus.az" xəbər verir ki, o, əzələ zədəsi səbəbindən Avropa Liqasının 1/4 final mərhələsinin “Sevilya” ilə ilk oyununda iştirak edə bilməyəcək. Matç bu gün Sevilyadakı “Ramon Sançes Pisxuan” stadionunda Bakı vaxtı ilə saat 23.00-da başlayacaq. Markus qarşıdakı bir neçə oyunu da buraxacaq. Onun yaşıl meydana nə vaxt qayıdacağı dəqiq məlum deyil.

Xatırladaq ki, Reşford İngiltərə premyer-liqasının cari mövsümündə 29 oyun keçirib, 15 qol vurub və 4 məhsuldar ötürmə edib. Hücumçunun hesabında Avropa Liqasında 8 oyun, 6 qol və 1 qol ötürməsi də var.