Hələ bir neçə gün əvvəl “Mançester Yunayted”in tezliklə satılacağı ilə bağlı iddia ortaya atılmışdı. Lakin Qleyzerlər ailəsi klubu satmaq fikrindən daşınıb.

“Football-plus.az” xəbər verir ki, ESPN-in yaydığı məlumata görə, Joel və Avram Qleyzer qardaşları kənardan sərmayə cəlb edə biləcəklərinə əmindilər. Bu da onlara klubun sahibləri kimi qalmağa və növbəti onillikdə MY-nin dəyərini ikiqat artırmağa imkan verəcək. Xatırladaq ki, Qleyzerlər ötən ilin payızında bütün strateji variantları, həmçinin kluba yeni sərmayə qoyuluşunu, mümkün satışı və başqa sövdələşmələri nəzərdən keçirəcəklərini açıqlamışdılar. Qətər şeyxi Yassim bin Həməd Əl-Tani və INEOS neft şirkətinin sahibi olan ingilis Cim Retkliff klubu satın almaq istəyir. Həmçinin bir neçə sərmayə fondu da MY-nin səhmlərinin bir hissəsinə sahib çıxmaqda maraqlıdı.