"Bu təklifin birdən-birə necə ortaya atıldığı müəmmalıdı. Çünki bu, Azərbaycan futbolunun reallıqlarına ziddi. Bu gün ölkə futbolunda elə mövqelər var ki, ora yerli oyunçular arasından namizəd tapmaq çox çətin, hətta mümkünsüzdü. Bu boşluğu da legionerlərin sayəsində aradan qaldırırıq. Təbii ki, legioner transferi dedikdə heç də öz futbolçularımızdan səviyyəcə aşağı və ya onlara bərabər yox, ən azı bir baş üstün əcnəbilərin xidmətində maraqlıyıq. Mövcud təklif qüvvəyə minəcəksə, həm futbol bazarında yerli oyunçuların qiyməti süni şəkildə artacaq, həm də çempionatın səviyyəsinə mənfi təsir edəcək. Nəticədə premyer-liqanın səviyyəsi aşağı düşəcək. Ümumiyyətlə, bu hal baş versə, ölkə çempionatında çoxlu süni problemlər yaranacaq və bundan ziyan çəkən Azərbaycan futbolu olacaq. Ona görə də bütün klublar yekdilliklə bu qərara qarşı çıxaraq təklifin qəbul oluna bilməyəcəyini qətiyyətlə bildirdi".

"Əksər media nümayəndələri AFFA-nın klublara 3 milyon manat ayırdığını yazır. Ona görə xüsusi vurğulamaq istəyirəm ki, bu yanlışdı. Çünki federasiyanın nizamnaməsində klublara yardımla bağlı qeyd olunub ki, AFFA tərəfindən klubun qarşısına qoyulan məqsədlərə 100 fazi nail olunduqda 3 milyon manat yardım edilir. Amma bu olmadıqda 2, 2,5, 2,7 milyon verilir. Məsələnin digər tərəfinə gəlincə, son təklifdə klublara birmənalı şəkildə legioner transferi qadağası qoyulmur. Orda vurğulanır ki, AFFA tərəfindən ayrılan 3 milyon manatla əcnəbi transfer olunmasın. Lakin klubun əlavə maddi yardımı, sponsoru varsa, həmin vəsait hesabına legioner ala bilər. Təbii ki, bu təklifdən narazılığımızı bildirdik. Nəzərə alaq ki, bu mövsüm çempionatda komanda sayı artıb. Həmçinin İcraiyyə Komitəsinin qərarına əsasən sonuncu olan komanda elitanı tərk edir. Belədə hər klub yaxşı çıxış etmək, elitada qalmaq uğrunda mübürizə aparır. Bizim komanda da əsasən legionerlərin sayəsində son oyunlarda uğurla çıxış edir. Ümumiyyətlə, AFFA-dan maddi yardım alan klublara legioner qadağası qoyulsa, tək klublara yox, ölkə futboluna da ciddi təsir göstərəcək".

"Klublar Komitəsinin son iclasında sırf federasiyanın ayırdığı pulla legioner transfer etmək qadağası təklif olunub. Klubun əlavə pulu varsa, istədiyi qədər əcnəbi sifariş edər. "Şamaxı" bu mövsüm yerli futbolçularla çıxış edir və gənc oyunçularımızın inkişafında maraqlı olduğumuzdan həmin təklif qüvvəyə minəcəyi halda bunun bizə təsiri olmayacaq. Şəxsi fikrimə gəlincə, bu təklif qüvvəyə minsə, həm müsbət, həm də mənfi tərəfləri var. Mənfi tərəfi odu ki, bəzi klublar legionerlərin sayəsində ayaqda durur və yaxşı nəticələr göstərir. Onlara belə qadağa qoyulsa, həm oyunlarına, həm də turnir cədvəlindəki mövqelərinə mütləq təsir edəcək. Elə ölkə futboluna da təsirsiz ötüşməyəcək. Müsbət məqam odu ki, dövlət klublara pul ayırırsa, yerli oyunçuların, ölkə futbolunun inkişafında maraqlıdı. Burda da əsas məqsəd Azərbaycan futboluna kimlərisə qazandırmaqdı".

"AFFA-nın transfer qadağası ilə bağlı təklifi növbəti mövsüm üçün səsləndirilib. Biz belə yeniliyin əleyhinəyik. Hər şeyin əvvəlki kimi qalmasını istəyirik".