"Məhkəmədə uduzmaq məsələsi deyil. Sadəcə, bir müddət öncə ödəmələrdə gecikmə olmuşdu. Buna görə də Apellyasiya Arbitraj Tribunalı bizi 44 manat cərimələdi. Daha sonra hücumçu ilə aramızda razılaşma əldə olundu. Martın ödənişini də 2 gün gecikdirdik. 15-də yox, 17-də pulu köçürdük. Buna görə Mirbadulla yenidən Apellyasiya Arbitraj Tribunalına müraciət etdi. İndi qurum yenə bizi cərmələyəcək. O da 20 manat edir. Mirabdulla Abbasov kart hesabını bizə göndərsin, borcumuzu "Card to Card"la edərik.

Ümumiyyətlə, bu məsələdə "Neftçi" günahkar deyildi. Futbolçu məhkəməyə müraciət etmişdi ki, klub onu cəzalandırıb. Biz də bildirdik ki, daxili kodeksi pozduğuna görə onu cərimələmişik. Adam 1-ci divizionda hakimi söyüb, üstünə hücum çəkmişdi. İntizam Komitəsi də buna görə ona 5 oyunluq cəza vermişdi. Klub da onu belə cəzalandırdı. İndi bizdən şikayət edib ki, pulumu tam ödəməyiblər. Qaydanı pozmazdı, biz də cərimələməzdik. Digər məsələlər də dediyim kimidi. Mirabdulla ilə başqa problemimiz yoxdu".