Bildiyiniz kimi, Mirabdulla Abbasov “Neftçi”dən şikayətçi olub. Hücumçu flaqmanın ona ödəməli olduğu pulun tam verilmədiyini iddia edib.

"Football-plus.az" xəbər verir ki, Apellyasiya Arbitraj Tribunalı onun şikayətini əsassız sayıb.

Məsələ ilə bağlı Mirabdulla Abbasovla əlaqə saxlasaq da, danışmaq istəmədi. Onun nümayəndəsi Elcan Həsənli də açıqlama verməkdən imtina etdi. Futbolçu ilə bağlı dünən redaksiyamıza yeni informasiya daxil oldu. Sən demə, hücumçu "Neftçi"dən ayrılsa da, maaşını tam ala bilməyib. Bu səbəbdən də Apellyasiya Arbitraj Tribunalına müraciət edib. Qurum onu haqlı saymasa da, Mirabdulla fikrindən dönmək niyyətində deyil. "Səbail"in forvardı qərardan İdman Arbitraj Məhkəməsinə şikayət etmək haqda düşünür.

İLKİN SULTANLI