İki şəxs Lionel Messinin Barselonadakı evindən oğurluq etmək fikrinə düşüb. Amma bəd niyyətləri baş tutmayıb.

“Football-plus” xəbər verir ki, hadisə aprelin 5-də baş verib. Polislər Messinin evinə gəlməzdən əvvəl cinayətə əl atmaq istəyənlər ordan qaçıblar. Onlar evə daxil ola bilməyiblər. 35 yaşlı hücumçu 2021-ci ilin yayından Fransada oynayır. Argentinalı ilə PSJ arasında imzalanan müqavilənin müddəti cari mövsümün sonuna kimi nəzərdə tutulub. Onun bu yay sabiq klubu “Barselona”ya qayıdacağı bildirilir. Messi bu mövsüm PSJ-nin heyətində bütün turnirlərdə 33 oyuna çıxıb, 18 qol vurub və 17 məhsuldar ötürmə verib.