Lionel Messi PSJ rəhbərliyi ilə görüşü təxirə salıb. Bu xəbəri “TyC Sports” yayıb.

Məlumatda argentinalı hücumçunun bu addımı klubla müqaviləsini yeniləməkdə tərəddüd etdiyi üçün atdığı xəbər verilib. 35 yaşlı dünya çempionunun uzunmüddətli perspektivdə gələcək haqqında düşündüyü vurğulanıb. Xəbərdə Messinin sabiq klubu “Barselona” və Səudiyyə Ərəbistanı klubları ilə danışıq aparmadığı da bildirilib.

Lionel PSJ-də 2021-ci ilin yayından oynayır. Onun klubla müqaviləsinin müddəti bu ilin iyununda başa çatacaq.