''Çempionluq yarışının əsas mərhələsinə qədəm qoyuruq. Yenə də büdrəsək, ''Arsenal'' artıq çempionluğu əldən verməyəcək. Amma qalib gəlməkdə davam etsək, çempionluq yenidən bizə qismət ola bilər. Belə mübarizəyə alışmışıq.

Bizim üçün yeni bir şey deyil. Bu tur ''Arsenal''dan tez oynamağımız bizə heç bir üstünlük vermir. Əvvəlki illərdə ''Liverpul'' ilə apardığımız çempionluq mübarizəsi zamanı da gah onlar birinci oynayırdı, gah da biz. Sadəcə meydana çıxıb qalib gəlmək lazımdı. İndiyə qədər işlədiyim klublarda heç vaxt qovulmamağımın sirri nədədi? Bunun sirri heç də mənim saç tərzimin digər məşqçilərlə müqayisədə daha gözəl olması ilə bağlı deyil. Sadəcə biz qalib gəlirik, vəssalam. Mövsümün əksər oyunlarında qələbələr qazandığımız üçün mən qovulmuram. Sizi əmin edirəm ki, qalib gələ bilməsək, mən də qovularam!

20-30 il öncə vəziyyət fərqli idi. Məşqçilərə özlərini göstərə bilmək üçün daha çox zaman verilirdi. Amma bu gün klubların üzərində çox böyük təzyiq var. Çünki futbolda sərmayə və pul artıb. Təzyiq bəzən işə yarayır, bəzən də yaramır. Məşqçilər bu mühitlə ayaqlaşmağa məcburdu''.