Ramin Quliyev "Turan Tovuz"un baş məşqçisi olur? - Özü açıqladı
Növbəti mövsümdən premyer-liqada çıxış edəcək “Turan Tovuz”un yeni baş məşqçisinin adına sabah aydınlıq gələcək.
"Football-plus.az" bunu klubun Müşahidə Şurasının sədri Oqtay Abdullayev qəzetimizə açıqlamasında deyib. Abdullayev həmçinin bu posta 4 namizəd olduğunu da bildirib. Söhbət Ayxan Abbasov, Əsgər Abdullayev, Ramin Quliyev və Yunis Hüseynovdan gedir.
Görəsən, adı çəkilən mütəxəssislər bununla bağlı nə düşünür? Onlar “Turan Tovuz”u çalışdırmağa razıdı?
Məsələ ilə bağlı Ramin Quliyevin fikirləri belə oldu:
“Açığı, bu açıqlama ilə tanış deyiləm. Heç nədən xəbərim yoxdu. Mənimlə heç kim danışmayıb. Yenə də namizədlər arasında adımı çəkiblərsə, təşəkkürümü bildirirəm. Başqa nə deyə bilərəm? Təklif gəlməyibsə, yalandan danışa bilmərəm”.
SƏNƏM FƏRHADOVA
Digər xəbərlər
