"Avstriya və İsveç güclü komandalardı. Onların heyətində Avropanın aparıcı çempionatlarda oynayan futbolçular var. Amma hər iki görüşə pis başlamadıq, ilk 20 dəqiqədə yaxşı oynadıq. Məsələn, Avstriya ilə görüşün ilk bölümündə yaxşı pressinq etdik, top saxladıq, qol vəziyyətləri yaratdıq. Lakin fərdi səhvlər üzündən qol buraxdıq ki, bu da fasilədən sonra rəqibin təşəbbüsü ələ almasını şərtləndirdi. İsveçlə oyunda isə daha çox səhvə yol verdik. Yığmanın uğursuzluğunun əsas səbəbi çempionatımızın səviyyəsinin zəif olmasıdı. Biz ilk növbədə premyer-liqanın səviyyəsini artırmalıyıq. Artıq yavaş-yavaş bunu edirik. Təəssüfləndirici məqam odu ki, millimizdən belə start gözləmirdik".