Antonio Konte karyerası ilə bağlı qərar verib.

"Football-plus.az" xəbər verir ki, martın 27-də “Tottenhem”in baş məşqçi vəzifəsindən istefaya göndərilən məşqçi fasilə vermək qərarına gəlib.

“Tuttosport” qəzetinin məlumatına görə, italiyalı mütəxəssis “Tottenhem”dən qovulduqdan sonra yeni komandada işə qayıtmağa tələsməyəcək və “Yuventus”un marağına baxmayaraq, bir il fasilə verəcək. Konte şəxsi həyatında bir neçə dəfə yaşanan ağır sarsıntılardan sonra ailəsi və yaxınlarının əhatəsində olmaq istəyir.

Xatırladaq ki, o, futbolçular və rəhbərlik ilə bağlı rezonans doğuran müsahibəsindən sonra “Tottenhem”dən istefaya göndərilmişdi.