Klopp Konte ilə duellərdə önə keçdi

Yurgen Klopp məşqçilik karyerasında Antonio Konte üzərində ikinci qələbəsini qazanıb.

Football-plus.az xəbər verir ki, almaniyalı mütəxəssisin rəhbərliyi altında "Liverpul" premyer-liqanın 15-ci turunda "Tottenhem"i məğlub edib - 2:1. Ümumilikdə Klopp və Konte 7 dəfə üz-üzə gəlib. İtalyalının "Çelsi"də işlədiyi müddətdə çalışdırıcılar hərəyə bir qələbə qazanıb, iki heç-heçə ediblər. Konte "Tottenhem"ə təyin olunandan sonra isə məşqçilərin komandaları üç dəfə qarşılaşıb. Bunların ikisi bərabərliklə nəticələnib. Bu günki matçda isə Klopp qalib gəlib.