"Bizim üçün vacib qarşılaşma idi. Bu oyunu tribunadan "Sabah"ın 560 azarkeşi izlədi. Məncə, hər iki klubun tərəfdarları stadionda oyunun səviyyəsinə uyğun azarkeşlik etdilər. Həm maraqlı qarşılaşmanın, həm də tribunada gözəl ab-havanın şahidi olduq. Klub prezidenti Maqsud Adıgözəlovla yanaşı, başqa rəhbər şəxslər - idman direktoru İqor Ponomaryov və icraçı direktor Ramin Həsənov da matçı ilk dəqiqədən sona kimi azarkeşlərlə birgə tribunadan izlədi. Azarkeşlərimiz bizim üçün önəmlidi. Onların dəstəyini həmişə hiss edirik. Əminəm ki, növbəti oyunlarda da komandaya möhtəşəm dəstəklərini davam etdirəcəklər".