MHL-in son turunda “Kalqari” ilə “Kinqs” üz-üzə gəlib.

“Football-plus.az” xəbər verir ki, qarşılaşma “alovlar”ın 2:1 hesablı qələbəsi ilə başa çatıb. Loc-Ancels təmsilçisi ilə görüşdən öncə meydan sahibləri “göy qurşaqlı” formalarla meydana çıxıb. “Qürur axşamı” çərçivəsində keçirilən aksiyanı müdafiəçi Nikita Zadorov və Nadem Kadri də dəstəkləyib. Bu məqam Rusiya mediasının təəccübünə səbəb olub. Həmkarlarımız rusiyalının belə addım atmayacağını düşünüblər. Çünki bundan öncə baş verən belə aksiyalarda ruslar iştirak etməyib. “Filadelfiya” – “Anahaym” qarşılaşmasından öncə keçirilən tədbirdə İvan Provorov “göy qurşaqlı” formanı geyinməkdən imtina edib. Bunu belə izah edib: “Mənim seçimim özümə və dinimə sadiq qalmaqdı”.

İLKİN SULTANLI